Aur phir yun hua k

     

      

         Aur phir yun hua k (EPISODE #1)

                         

Wo university janay kay lye tayar horahe the.wo tayar hokar buhut khoobsurat lag rahe the. Wo aik aam shakal ke larke the itne khoobsurat nahe the wo lakin phir bhe thek the daikany mai achi lagte the. WO tayar horahe the aur us ke friends use kamray may betay hoy pyar kay unwan par bahas kar rahay thay. Us nay jatay waqt  tanzia andaz may kaha larka chahay jesa bhe ho us pay yaqeen nahe kia jasakta.ye pyar kay topic ko cherna sirf aj ki baat nahe the ise topic pay roz cherkhani hote the lakin ye kabhi pyar ko mannay kay lye tayar nahe hoe the. us kay friends may say aik nay kaha kay "kaash tujay pyar hojay phir ye kehna" us nay jawaban kaha "mujay kabhe pyar nahe hosakta".

       Us ka nam sara tha us ke umar abhe 20 saal hoe the lakin shakal o surat say wo 18 saal ke lagte the. Wo aik university may international relations(IR) ki student the. Wo buhut sanjeda larke the. Us kay lye kisi larkay par bharosa karna buhut mushkil tha. Us k kamray ke larkian raat bhar larkon say baatain karte rehte the aur dates par jate rehte the. Lakin us kay lye ye sub karna buhut mushkil tha. Wo pyar say is tarah darte the jesay wo usay kha jaega. Us kay friends uay buhut samjaty kay apnay lye koe larka pasand kar lay pasand ke shadi may buhut faiday hain lakin wo nahe mante the. Wo apnay studies kay sath buhut sincere the. Time pay apna har kam kia karte the. Aj bhe wo university ja kar apnay clases lenay main masroof hogae the usay fazool waqt zaya karna bilkul acha nahe lagta tha wo friends bananay may bhe buhut muhtat the is lye us kay buhut kam friends thay jis may koe larka shamil nahe tha.

    Chutyon may gar jaya karte the gar university say buhut door tha. Wo maa baap ke bare bete the us ke aik aur bhe behn the lakin bhai koe nahe tha is lye wo waledain k lye bete bhe the aur beta bhe.

      sara ke aik friend the salma jo us kay paros may rehte the. Salma us ke sub say achi dost the jab gar ajaya karte the tu sara din salma k sath guzarte the. Salma ka aik bhai tha arman buhut handsome tha larkian jab usay aik bar daik lete the phir unhay apnay nazrain hatana mushkil hojata tha. Lakin wo aik number ka flirt insan tha larkion kay sath flirt karta tha. Aur us kay lye asan bhe tha university ke saray larkian us pay marte the lakin usay aj thak kisi say pyar nahe hoa tha. Han ap bilkul thek samjhay Wo bhe University may M.A economics ka student. Aj wo gar may tha darwazay ki gante bajnay lage wo drawazy pay daikany gaya jesay he us nay darwaza khola us kay samnay sara kare the us nay usay pehlay kabhi nahe daika tha aj usay uun achanak daik kar us kay dil may aik leher se dor gae the usay daikte he wo us kay dil may bs gae the apnay love at first sight ka tu suna hoga wahe hua tha us kay sath usay pehlay he nazar may us say muhabat hogae the. Arman ko agar zindagi may kisi larke par dil say pyar aya tha wo sara the. sara main aise koe khas baat tu nahe the k us ke aja say usay wo ache lage ho bus aik aam se larke the baqe larkiyon ke tarah. Wo abhe thak darwazay par kara usay daikta raha wo usay daik kar sub kuch bhool gaya tha usay dunia ke koe khabar nahe the lakin sara usay daik kar gar kay andar agae aur salma say milnay kay baad baton main masroof hogae ab arman bhe apnay kamray main achuka tha usay baar baar sara kay khayalat arahay thay wo soch raha tha kay ye kon hosakte hay.

      sara apnay gar ja chuke the salma apnay kamray may mobile pay game khail rahe the isi waqt arman nay us kay kamray ka darwaza katkataya salma nay andar anay kay lye kaha arman andar aa kar us kay pas bed pay bait gaya us kay chehray say zahir horaha tha kay wo us say kuch pochna chahta hay aur wo waqai us say kuch pochna chahta tha wo us say sara kay baray may pochna chahta tha is say pehlay kay arman kuch pochay us ke behn nay us say poch lia “G arman bhai koe baat pochne hay.” Arman nay kherania nazron say us ko daika kay wo us ka chehra parh chuke hay phir us nay gala saaf kia aur kuch bolnay ke himmat ke. “ han wo aj tumhare dost ae the kia nam hay us ka” us nay apnay zehn pay zor dia jesay usay us ka nam ata ho lakin ab bhol gaya ho tu salma nay jat say kaha sara is pay arman nay kaha “han sara tu us ka introduction tu ap nay hum say karwaya he nahe” oh tu arman sahb ye konse bare baat hay mere tu rooz friends ate hay apnay kabhi kisi aur kay baray may pocha tu nahe aise kia khaas bat the sara may kahe us pay meray pyaray bhai ka dil tu nahe aya salma nay arman kay taraf mutawaja ho kay pocha tu arman nay jaldi say jawab dia nahe nahe bus may tu wesay he poch raha tha pehlay kabhi daika nahe tha usay. wo tu pehlay bhe ate rahe hay hamaray gar ap ko aaj nazar ae jo pochnay chalay ay. salma nay arman k taraf goor say daikthay hoy kaha. tu arman nay bat ko ghumanay ki koshish ki.nahe aise bhe koe baat nahe hay shayed wo hamaray gar ae ho par mere us say kabhi mulaqat nahe hoe is lye poch raha tha. salma nay ab usay sara k baray may sub kuch bata dia usay us waqt dachka laga jab usay pata chala k sara use ke university may parhte hay. us nay salma say department wagera ka pata kia aur salma nay sub bata dia phir wo game khailnay may masrof hogae aur arman apnay kamray may agaya. 

                                                         By : Ayaz khan